Bsuech usem grosse Kanton

Echli Zügel-Pause hani dank minere Kumpeline und wieder echli meh Volume bim Schaffe. Am Sunntig hämmer d'Dani in Empfang gno. Bekocht vo 4 junge Manne, hämmer en tolle erschte Abig gha. Ei Wuche isch sie da. Unglaublich, wie schnell die Ziit ume gsi isch...



Am Mäntig isch es wiitergange mit Shoppe, Jasse und Metzgete. Au de Rescht vom Dorf hät Freud gha, isch sie wieder mal ume gsi.

mit de Brigitte

und de Pia hät sie Jahre zäme gjassed

Zischtig, d'Michelle, d'Schwöschter vo de Dani, hät de Tag mit ihre verbracht

Mittwuch, mer gönd am Mittag am 2 go caipirinha (oder so) go mache und au vernichte, d'Stimmig isch dementsprechend guet gsi

au de Walti hät sich dere Huusfraue-Rundi aagschlosse

de Luis, de "Garfield" vo Alte, wird mit zuenehmendem Alter "ramp"onierter... Ziemli aagschlage suecht er immerwieder sini Streicheleinheite

d'Schildchrötli sind grad zum Panzer usgschosse, wo's de früsch Salat gschmöckt händ

d'Chevy, fäng echli am Vereinsame, hät richtig Freud gha, isch all Tag öppis gloffe, isch so en süesse Hund

Blick vo de Terrasse uf de schöni Garte

Chevy mach Sitz... braaaav

s'Gartehüsli isch bereits riif für de nöchscht Winter

s'ehemalig dehei, traumhafti Lag, wunderbar pflegt
aber mängisch isch s'eige Seeleheil wichtiger!

Hoff chunnsch gli wieder... heb dir Sorg!