Challenge

E churzi Steppvisite a'd Gewerbeschau hät scho müesse si. Dank em stabile, warme Wetter hät's en Huufe Lüüt gha. Für d'Ussteller super, händs de Ufwand nöd ganz für d'Chatz betriebe. Isch ja mörderisch was da alles z'gseh gsi isch.

En tolle Zuefall, churz vorane hani mit dem Rennfahrer chattet. Ev. chunnt er eus am Höck go bsueche.

Mit dem hät mer über's ganze Fäschtgländ chönne flüge.

Jetzt bliebt mir no e riese Stapel Wösch - nöd dass es mir langwiilig wär... Im Moment bini no muusbeiallei und gnüss die Rueh!

Mega churzwiilig

Selten so gelacht. De Samschtig-Abig isch echt luschtig gsi. Mini Kollegin hät de 40. gha und zuneme geniale Abig iiglade. Pizza rund um d'Uhr - und erscht no mega fein. D'Spieli sind au läss gsi, am meischte das mit de Fläsche. Zum Geusse...


Geburtstagschind samt Schatz

Herrlich, s'ganz Volk quietscht

Sogar eusere Beizeri pässleds... trotz Nass

Am meischte Gfühl bewiese händ die Jüngschte,
sind drum aber au Letschte worde.

Unbestritte...

... de Herbscht isch im Aamarsch! Erschti Zeiche sind ganz klar d'Kastanie a de Bäum. Gang jedes Jahr es paar go zämelese. Zum Dekoriere sind die optimal.
Die 3 da une sind:
- Edel-Kastanie
- Ross-Kastanie
- Schoggi-Kastanie
Also eini devo chammer nöd esse. Welli echt?

Hüt Abig bini anen Geburi iiglade. De Rescht vom weekend nimmi vorzue. Es isch wunderschön dusse bi milde Temperature. Winterpneu machi erscht Endi Oktober ane, nachem Autokurs2 in Veltheim. Drum wär's mir recht, wänn s'Wetter nochli so bliebt. Schau mer mal...

Mini zu gewinnen

Wie wär's miteme neue Auto? Wettbewerb mit Minis hät's ja engros. Da es paar Biispiel:

http://www.jeanshalle.de/gewinnspiel/index.html
http://www.mini-to-win.de/

Bim Benissimo gits sit neuschtem de Mini Cooper D
im Wert vo Fr. 42.350.-.
http://www.sf.tv/sf1/benissimo/manual.php?docid=partner
Usserdem chammer jedesmal abstimme,
welli Chugle günnt.
http://www.sf.tv/sf1/benissimo/wettbewerb.php


Falls öpper, wider Erwarte, Erfolg hätt, freu ich mich uf es Echo.

Vitamin-Bombe

En völlig friedliche Abig hani geschter mit minere Busefründin Margot gha. Gegesiitig hämmer euse Wüssensstand aktualisiert. Mit Chind, Job und anderem passiert ja immer so einiges. Bi Pizza und Proseco hämmer au beschlosse, dass mir eus irgendwänn s'Hundertwasser-Wellness gönned. De chürzischt Weg wär mit Flugzüg bis Graz und det no 1 Std. Autofahrt bis Blumau. Spötischtens wämmer 50i sind söll das passiert sie. Wär ja zu schön... D'Portokasse laat das im Moment nonig zue. ;-)

Endli isch wieder Mini-Kiwi-Ziit. Es Eigeprodukt usem ZH-Wiiland. Mega fein, mega gsund und e absoluti Vitamin-C-Bombe. Z'viel git allerdings Dünnpfiff und es komischs Muul. Trotzdem, absolut z'empfehle.

Diverses

Am letschte Dunschtig bini am 2. Pannekurs für Fraue gsi. Mit em neue Auto macht das scho Sinn. Allerdings isch das e VW-Audi-Garage gsi und s'wenigscht isch mini-kompatibel gsi. Reserverädli führi zB nöd und womer bim Mini überbrückt, bini au nonig sicher. Muess glaub mal en Crash-Kurs mit eim vo mine Kumpels mache. Schneechette anemache isch nöd so schwer gsi. Wird mir au es 2. Pannedrüeck aaschaffe für es bessers Absichere vom Unfallort. Han e Löschdecki und en Füürlöscher im Auto, gnueg Saftyweste und no so paar "lebensnotwendigi" Sächeli organisiert. Im Optimalfall bruchi das Züg nie. Was sowieso immer im Auto isch, isch es Handy-Ladekabel. Will was nützt mir das, wänn de Akku ufem Hund isch. Isch immer s'erscht woni chaufe, wänn's es neus Handy git. Selbschtverständli macht das alles nume Sinn, wänn's im Fahrruum deponiert isch...




Sit churzem bini au stolze Bsitzer voneme Handschuehfach. Sobald ich gschieds Werchzüg han, wird das montiert. Es Schloss wo zu mim Autoschlüssel passt, wird no gliefered. Das cha ja nöd so e Kunscht si, das ine z'mache. Wobi d'Schruube vom "Tablar" hebed scho mal recht guet...

Rush Hour 3 bini am Samschtig go luege. Herrlich die 2. Selten so gelacht. Viel Action, viel Spass, echli wenig Amore. Absolut empfehlenswert!

Min Blog hät sit churzem es Herz wo mini Gäscht zählt. Ebeso en andere Zähler wo nochli Statistik mache sött. D'Zahled stimmed nöd überein, will de eint Zähler jede Gascht nume eimal zählt pro Tag und de ander jede Bsuech. Under de Links hani au es Gäschtebuech platziert. Wür mich intressiere, wie das alles aachunnt und ob's bi eu au funktioniert. Wer wüsst no en bessere Zähler mit Statistik? Mine isch noni s'non-plus-ultra.

Wünsch allne en guete Start i die neu Wuche
Knuddel

fideles vo Mini

Hochzeitssuite noch zu haben...

mit Mini i'd Ferie

weiss ja nöd

das Mini-Modell womer am gschiedschte nume abstaubt

sogar de iPod isch mini-tauglich

nüme z'überbüüte

keiner zu klein, ein Mini-Cruiser zu sein...


und so gseht de Tacho us

gopf wieso gits so züg nume bi de Amis???

da hät das Ding susch scho kän Kofferruum...

ehner en Albtraum

min neue Arbetsplatz...

Rainbow xxxlarge

sautüüri Designer-Täsche, scho längscht usverchauft


Rollercoaster a la Mini, in Anlehnig an Film Italian Job wo's in alter und neuer Mini-Fassig git.

alles uf de Chopf gstellt

Sunday-morning und mini Plän händ ursprünglich gaaaanz andersch usgseh. Flexibel, wie halt nume Mamis sind, hämmer die neue Termine in Aagriff gno. Scho viel spöter wie susch bini zum mim Blick und de lauwarme Laugegipfeli cho. Dänn hani mir no 2 Kafi im Früehschoppe gönnt umd dänn anschliessend Richtig Winti losz'düse wo de Nils en Unihockey Match gha hätt.,

D'Föteli sind nöd grad de Hammer, aber irgendwänn hani wieder e Cam vom mim Temprament gwachse isch. Solang nehmed mer das was mer überchömed...




Aatritt


nieneds passiert soviel wie bim Unihockey, mer muess ufpasse wie en Heftlimacher, dass mer nüt verpasst

Schluss-Ergebnis zu Gunschte vom HCR.
Sieg uf de ganze Linie!

Au min Mini-Fimmel isch nöd ganz z'churz cho.
S'eint Mami fahrt es Cabi mit Super-Felge.

Und dänn hani no de gfunde. Au nöd übel.

Mamma mia - zum 2.

Hüt gangi scho zum 2. Mal as Abba-Musical. Freu mich grusig druf. De Verglich und de Kommentar chunnt dänn aaschlüssend.

Also es isch passiert und wie erwartet wieder genial gsi. En Teil vo de erschte Crew hät mir echli besser gfalle. Aber sumasumarum sinds wieder 2 viel z'churzi Stund gsi. Und... ...ich gieng glatt es 3. mal... Jede Stutz isch am richtige Ort gsi!

Promis im Mini

Prominentischte Promi isch ja wahrschinli unbestritte de Mr. Bean. Die Aktion i de Garage hani au scho mal erlebt und zwar z'Winterthur. Isch Morge am Eis gsi und irgendwie hani s'Ticket nüme gha. Und ich ha hei welle... was mache. Mr. Bean like hani mich bi de Schranke positioniert und gwartet. Zum Glück isch es nöd lang gange und es isch so en junge Kerli aaz'fahre cho. Ich dem as Füdli, de wird scho nervös. Läck hoffentli fahrt de zue. Dänn Pedal abe, wie es Rheumapflaschter hinedri und ab use i'd Freiheit und hei... Minere Biifahrerin isch hüt no schlecht, wänn sie a die Aktion denkt. Und ich ha mich vo luuter lache nüme chönne erhole.

Also viel Spass mit em Mr. Bean

Wiiteri Promis im Mini:



Cora Schumacher fahrt Challenge im 2004



Stefanie Glaser

to be continue...

friedliche Sunntig, bi schönschtem Wetter

AEchli Huushalt, echli Wösch, aber dänn gits nume no chille... Und damit au gar nüt meh schief gaht nochli Inspiration... Happy sunday allersiits!

Genial

D'Werbig vom neue Mini Modell kennt kei Grenze. A de IAA (Internationale Automobil Ausstellung) in Frankfurt, wird de Clubman zum erschte Mal vorgstellt:

Au suscht lönd die sich nöd lumpe, kei Wunder sind die sooo tüür!

Gschafft!

Geschter isch de monatlich Mini-Höck in Mühlau gsi. D'Spannig isch drum so gross gsi, will mer händ welle wüsse ob mer die 22 Minis vom letschte Mal chönd überbüüte. Und d'Spannig isch au im Lauf vom Abig dauernd aagstiege. Lang häts nöd usgseh, als wänn's klappt, aber dänn... isch scho halbi Nüni gsi, chömed doch tatsächlich no 8 Spatsünder. Yeah! 27 Minis! Und oh Wunder, bald am Nüni gits no en 28.schte! Für es gsammelts Föteli häts nüme glanged, wills inzwüsched scho dunkel gsi isch. Schad, ha die meischte gar nöd chönne aaluege.
Und d'Lüüt wo zu de Auto ghöred, hani au nöd alli kenneglernt.
Aber das holed mer im Oktober na. Da aber no es paar Impressiönli:

Es paar "Nacht-Minis" hani aber susch no gfunde:

Das ist die neu und selte wüeschti Farb bi Mini:

oxygene-blue

Da isch sogar eusi Mini-Verchäuferin einer Meining,
dass das kein Hitparadestürmer git...

über 30 Jahr Margot

Hüt hät ganz e spezielli Frau Geburtstag. Mini längschti und allerbeschti Fründin Margot. Mir kenned eus sit de Oberstufe und sind sit do sehr verbunde. Mir händ alles möglichi mitenand erlebt, dur die ganz Lebenspalette dure. Inzwüsched hämmer beidi Familie und Chind und andere Theme sind dezue cho. Wohne tüemer au nöd so nöch binenand und drum gsehmer eus durchschnittlich 1x im Monät. Das isch die Frau wo mich am beschte kennt und mich nimmt wie ich bin.

Liebi Margot!
Merci viel mal für dini Fründschaft.
Danke dass du immer für mich da bisch.
Für din Geburtstag wünsch ich dir alles Gueti, gaaaaanz vieli Gschenkli und en Schwall Gratulante.
Happy birthday!

Da no es paar Impressiönli us dere Ziit. Hoff mir chönd no ganz viel Ziit mitenand verbringe. Schön bisch da!


Im Garte bi de Margot.


Im Usgang. Wo au scho wieder?


Das isch d'Carmen, s'erschte Chind vo de Margot.

Mini bescht Fründin hüratet.

Saas-Fee ufem Parkplatz.

Saas-Fee ufem Gletscher.

I de Huusi.

Reschtpöschte

Hüt isch echli en spezielle Tag si. Eini vo mine beschte Kolleginne hät Geburi und e anderi isch beerdigt worde. 11. September. En echte Katastrophe-Tag - mal wieder.


So häts am 2. Jahrestag usgseh. Zwei Liechtersüüle symbolisiered d'Twins.

Mis Auto lauft bis hüt riibigslos. S'Lämpli isch nüme cho. Kei Wunder, die händ mit mim Schmuckstück jede Menge Kilometer verschliesse um das z'teschte. De Moscht hani au no selber dörfe zahle. Fascht echli frech. Aber ich merk mir das.


Da hani no en andere Patient gfunde.


De isch vorem Obi gstande. Unglaublichs Ding oder?

Mit de Claudia bini z'Oftringe go Zmittag esse.
Soviel spezielli Lüüt hämmer no nie uf eim Huufe gseh...

Eusi chli Busle isch eigentli gar nüme so chli und au scho 6 gsi, aber immer no wie es Baby. Am liebschte würd sie 24 Std. anehebe zum Chräbele.

Take on me

So da also vorläufig s'letscht Video.

Für mich mit Abstand s'bescht Musig-Video überhaupt.
De Song findi hüt no en Knaller.

Take on me / Aha

no meh Videos

De erscht isch en Stunt mit mim Lieblings-Mini.
Irgendwänn channi das au...

Und das isch mini Lieblings-Werbig.
Kleiner Igel in Höchstform.

Wellness

Alli gönd go wellnesse, nume ich nöd... :-(

Virtuell gangi immer wieder mal zum Hundertwasser. Bin fliessig am Spare und hoff dassi das mal erleb. Nöd am Weg und selte tüür! Aber es Erlebnis! Wahrschinli bini meh am fötele als am wellnesse...

De Meischter am Werch

De Baum wachst nöd us Versehe zum Feischter us.

Es wunderschöns Feischter.

Die Baute vom Hundertwasser sind s'gröscht.
Hoff, dassi no ganz viel cha go aaluege.

Bin sooo müed...

Müde bin ich, geh zur Ruh
und schliesse meine Äuglein zu!

Zum Glück isch Weekend. Mit wenige Usnahme isch Hardcore-Chille aagseit.
Sit hüt isch es au sicher, min Sohn isch wieder versorged und chann am Mäntig sini Stifti wiiterführe. Yeah! Er hät sogar meh Lohn. Alles i allem en echt guete Deal.

Under construction

mini Richtig am Samschtig-Morge...



Tuning-Idee für mini Chli

Was lange währt...

...wird endlich gut? Hm, bin mir da nüme so sicher. Mis Auto bliebt au die zweit Nacht uswärts. S'Uebel händs i dem Fall immernoni gfunde. Wenigschtens choschtet s'Ersatzauto nüt meh. Allerdings bini au scho schneller underwegs gsi. Bin froh muessi mit dem Schnägg nüme uf d'Autobahn hüt. Morn langed au no.

De Nils dörf hüt go schnuppere bis am Friitig. Und wänns ihm gfallt channer grad bliebe. Wär ja mega läss. Isch au nöcher und de Betrieb eidütig stabiler.

Mit de Fraue vom Gschäft gangi nachane no in Schlummi. Mached mer so eimal im Monät. Sind alles mega-netti - aso die wo chömed.

So nochli Farb is Gsicht und dänn i'd Apothek go Medis hole. Morn isch ja au scho Dunnschtig, sprich d'Wuche isch fascht wieder ume.

Happy Hippo Nr. 1

The lion sleeps tonight
Happy Hippo
Werbung Kinderschokolade



Ich lieb die zwei... Hammer oder?

2 Täg für eis Lämpli???

En ganze Tag isch mis Chischtli i de Flicki gsi. Und was passiert? Hüt nachem Schaffe lüchtet zmal das blöde Lämpli wieder uf... I einer Verrückti hei und ab as Telefon. Mann ha scho welle die Rechnig zahle hüt. Also am Telefon händs gmeint Fehler passiered und ev. heig mer nöd so suber gschaffed. Wie chammer au so en Seich usela? Und dänn no für die Priise? Hallo?

Isch mir nüt anders übrig bliebe, ha mis Schmuckstück wieder gen Winterthur gfahre und prompt stah la müesse. Tüüf gsunke bini. Vom super S zum niedrigschte One. Das heisst max. no d'Hälfti Rössli. Da drucksch s'Pedal und was passiert? Nüt! Mit Betonig uf gar nüt! Cool down, tüüf dure schnuufe und ab hei mit. Uf Blueschfährtli hani hüt aber grad gar kei Bock meh. Und wehe mini Chli isch morn nöd wieder gsund... die Pfiife wo dra umgschrubed hät, hani nonig verwütscht. Isch ev. gschieder für ihn. ;-)

Es isch ja herzig das Cheibli, aber die Straf überhaupt, wemmer susch meh Dampf under de Hube hät. Hoffentli isch gli morn.

Happy birthday Mami

Gfiired hämmer zwar geschter scho, aber Geburi hät sie erscht hüt. Happy birthday Mami! Bliib gsund und munter! Gschenkli hät sie zwar kei welle, aber ganz ohni gahts ja au nöd. Schliesslich simmer zum Esse iiglade worde. Merci für de bsunderi Znacht.



Mis Schmuckstück hät echli Aua und drum zum Dokter müesse. De Ersatzwage isch au nöd ohni, aber diskussionslos keis Thema.


Ab in Migros, schliesslich sölleden alli gseh.


Luxus pur. Chlises Chraftpaket mit allem pipapo!

De Michi hät doch tatsächlich no Ziit für en Kafi gha und das bi dene Wöschberge woner immer hät. Er hät mich dänn in gewohnter Manier eskotiert - dur ganz Winti dure. Danke dir!

Minis im Wiiland

Also ich find d'Minis im Wiiland bruched Platz und drum es eigets Thema. Wird also dauernd aktualisiert, will es hät unglaublich viel.

am BHF Marthalen


en Checky bim Schuelhuus Andelfinge


staht zwar z'Andelfinge isch aber vo Marthale,
brandneu, max. 2 Wuche alt

Mini-Fahrschuel Winterthur

regelmässig vorem Strasseverchehrsamt Wülflinge

Winterthur-Ohrringe...

eifach nume Text

Es paar Sache sind ja echli z'churz cho i letschter Ziit.

Min Jüngschte hätt am letschte Mäntig sini Stifti aagfange und am Friitig scho wieder beendet. Händ die doch tatsächlich i de Zwüscheziit Bankrott gmacht oder sind dra. Glaubs nöd. Hämmer mal eine ohni Zwüschejahr versorged gha und scho gahts wieder i'd Hose. De ganz Zauber fangt vo vorne aa und mir chönd wieder uf d'Suechi. Hoff aber immer dass öpper vo de umliegende Baugschäfter Verbarme hät und ihn ufnimmt. Allerdings muess das innert de nöchschte 7 Wuche passiere. Susch gheit er zum Programm us.

Euse Hund isch bim Coiffeur gsi und chunnt am Zischtig die obligat Impfig über. Hät sie ja gar nöd gern. Aber die Wulle chammer eifach nüme pflege wänn sie z'lang isch und bi dene höche Temperature amigs, isch es churz eifach besser. Die hockt ja eh i jede Tümpel ine...

Morn gaht mis Auto s'erscht mal i'd Flicki. De Gurtstraffer behindered, im schlimmschte Fall blockiert, mini Airbags. De muess drum ersetzt werde. S'Reserve-Auto hani dörfe uslese. Die tüürschte Auto hätti chönne ha. Aber nei, was hätts wieder müesse si? Wer wott 3x rötle? Hoffe schwer, das isch für langi Ziit alles gsi. Günschtig sind ja die Gspäss selte.

Bim Blick hole, hani no es chlises Willand-Türli gmacht. Flyer bini keini losworde, defür isch es susch wunderschön und friedlich gsi, trotzem Nebel.

Mis Mami hät morn Geburi und drum gömmer hüt mit ihre go esse. Das heisst bin gli weg und morn gits wieder Bildli. Happy sunday allersiits!